Seramidlər ilə bərpaedici toner - Experalta Aurum

Bərpa və rahatlıq Dəri ilə əlaqəli seramidlər sürətli şəkildə dərinin mühafizə səddini bərpa edir. İntensiv nəmləndirmə Dərini dərhal nəmləndirir və qulluq vasitələrinin tətbiqinə hazırlayır. Yaşlanma əleyhinə təsir Kollagen bio-peptidi dərini vaxtından əvvəl yaşlanmadan qoruyur. Təbii qayğı Sibir bitkilərinin cövhərləri mübadilə proseslərini stimullaşdırır və vitaminlərlə zənginləşdirir. Dərinin sağlamlığı və gözəlliyi keşiyində! Seramidlər (lat. cerebrum - "beyin") - lipidlər növü və dərinin hidro-lipid səthinin əsas struktur elementidir. Onların kafi səviyyəsi dərini aqressiv xarici amillərdən qorumağa və nəm itkisinin profilaktikasına kömək edir. Experalta Aurum seriyasından seramidlər ilə bərpaedici toner qısa müddətdə quruluğa meyilli dərinin problemlərini həll edir: təmizlənmədən sonra hidro-lipid balansı bərpa edir; yenilənmə proseslərini sürətləndirir; nəmi hüceyrələrdə saxlayır; zərdab və kremin fəal maddələrinin nüfuzunu gücləndirərək, dərini növbəti qulluq proseduralarına hazırlayır; quruluğu və susuzlaşmanı aradan qaldırır; oksidləşmə və yaşlanma əleyhinə təsir göstərir. Elm və təbiətin ittifaqı TEGO® Turmeron Zərdəçal kökünün cövhəri Əsrarəngiz hind ədviyyatı - zərdəçal (sarıkök, sarı zəncəfil) - güclü oksidləşmə əleyhinə təsirə malikdir, dərinin parlaqlığını, sözün həqiqi mənasında, daxildən oyadır, tonunu bərabərləşdirir və yaşlanma əleyhinə təsir göstərir. Tərkibində yüksək miqdarda antioksidantların olmasi sayəsində, azad radikalların 90%-nə qədər zəbt edərək, onlar üçün bir növ tələ funksiyasını daşıyır. Təbii sibir komponentləri Altay balı - faydalı maddələr xəzinəsidir, dərinin sağlam və cavan mövqeyinin dəstəklənməsinə kömək edir. Bitki cövhərləri yaşlanma əleyhinə təsir göstərir, mübadilə proseslərini stimullaşdırır, dərinin müdafiə funksiyalarını artırır. • Altay balı Üz dərisi üçün faydalı maddələrin əsl xəzinəsi. Onun tərkibində polisaxardilər, amin turşular, vitaminlər və minerallar, həmçinin fito-hormonlar, fermentlər və qlükon PHA-turşusu mövcuddur. Bal yaşla bağlı dəyişikliklərin yaranmasını dayandırmağa, dərini cavan saxlamağa və yaşlanmanı sürətləndirən iltihabların qarşısını almağa qadirdir. Həmçinin o, nəmi saxlamağa və susuzlaşma problemlərindən qaçınmağa imkan yaradaraq, dəridə görünməz, amma sıx qoruyucu qat yaratmağa kömək edir. Bundan başqa, bal, hialuron turşusu kimi, nəmi havadan hopdurmağa və onu dəri hüceyrələrinə çatdırmağa qadirdir. Bu komponent hər hansı qıcıqlanmaları sakitləşdirir, iltihabların yaranması təhlükəsini azaldır. Tərkibində flavonoidlərin olması sayəsində bal, dəri qıcıqlanmasının qarşısını alaraq, günəşdən müdafiədə mühüm rol oynayır. • Çaytikanı cövhəri Çaytikanı giləmeyvələrinin tərkibində vitamin C sitrus meyvələrinin tərkibində olduğundan qat-qat artıqdır. Bu ən güclü təbii antioksidantlardan biridir. Çaytikanı dərinin vaxtından tez yaşlanmasının qarşısını alır, dəri rənginin və tonusunun yaxşılaşmasına kömək edir. • Baykal başlıqotu cövhəri Dərinin stresslərə və ətraf mühitin aqressiv təsirinə müqavimət göstərmək qabiliyyətini artırır. • Çəhrayi rodiola cövhəri Çəhrayı rodiola cövhəri yaşlanma əleyhinə təsir göstərir, mübadilə proseslərini stimullaşdırır, dərinin qoruyucu funksiyalarını və xarici təsirlərə qarşı müqavimətini artırır, vitaminlərlə zənginləşdirir. Dəriyə yaxın seramidlər Epidermisin səddi xüsusiyyətlərini yaxşılaşdırır, ətraf mühitin aqressiv amillərinin xoşagəlməz təsirlərinə qarşı dərinin həssaslığını azaldır, dərinin elastikliyini artırır, liftinq təsir göstərir, dərinin susuzlaşmasını azaldır və transepidermal nəm itkisini minimallaşdırır. • Seramidlər Seramidlər dəri epidermisinin keratinli qatının əsas tərkib hissəsidir. Onlar xolesterindən və doymuş yağ turşularından ibarətdir və, dəri səddini əmələ gətirən keçirilməz membran yaradaraq, dərinin həddindən artıq nəm itirməsinin qarşısını alır. Məhz o, mikro-orqanizmlərdən və xarici çirklənmələrdən mühafizəni təmin edir. İnsanlarda keratinli qatın tərkibində olan seramidlərin və xolesterinin miqdarı yaşlanmaya və bir sıra digər səbəblərə görə tədricən azalır. Seramidlərin miqdarı azaldıqda, dəri strukturu zəifləyir, və, nəticə olaraq, müdafiə səddi də zəifləyir. Dəri həssas və dözümsüz olur. Tonerin tərkibində olan seramidlər epidermisin səddi xüsusiyyətlərini yaxşılaşdırır, ətraf mühitin aqressiv amillərinin xoşagəlməz təsirlərinə qarşı dərinin həssaslığını azaldır, dərinin elastikliyini artırır, liftinq təsir göstərir, dərinin susuzlaşmasını azaldır və transepidermal nəm itkisini minimallaşdırır. NP seramidləri dərinin keratin qatında olan xolesterin və azad yağlı turşular ilə "qarışmaq" xüsusiyyətinə malikdir, bununla onlar dəri səddinin sürətli və tamdəyərli şəkildə bərpasına kömək edirlər. Keratinli qatın bu cür "yamaqlanması" qısa müddətdə dərinin susuzlaşma təzahürlərini azaltmağa və transepidermal nəm itkisini normallaşdırmağa imkan verir. Qısa müddətli istifadədən sonra belə seramidli toner nəzərə çarpan şəkildə liftinq-təsiri təmin edir (dərinin gözlə görünən şəkildə dartılması və xırda qırışların açılması) Kollagen bio-peptidi Dərinin vaxtından öncə yaşlanmasının qarşısını almaq üçün innovasiyalı peptid. Heksapeptid-9 - 6 amin turşusundan ibarət, dəriyə yaxın olan kollagen molekuludur, o, epidermisin dərinlərinə nüfus edir və dərinin strukturunu yaxşılaşdırır. • Kollagen bio-peptidi Hexapeptide-9 - patentləşdirilmiş kollagen bio-peptidi. Altı amin turşusundan ibarət, dəriyə yaxın olan kollagen molekulu epidermisin dərinlərinə nüfus edir. Üç səviyyədə çalışaraq, dərinin strukturunu yaxşılaşdırır: Epidermisin keratin qatı hüceyrələrinin yenilənməsini stimullaşdırır, onların sürətli şəkildə bərpasına kömək edir, keratinositlər səviyyəsini artırır. Dermo-epidermal bağlamasının sıxlığını artıraraq, dərinin elastikliyini yaxşılaşdırır və qırışların dərinliyini azaltmağa kömək edir. Dəri hüceyrələrinin fibroblastlarında I və III növ öz kollageninin ifrazını stimullaşdırır. Kimlər üçündür? • Nazik/yetkin yaşlı/quru/həssas dəri sahibləri üçün. • Dəridə qızartılara və qabıqlanmaya görə narahat olanlar üçün. • Dərinin yaşlanmasını və solmasını ləngitmək istəyənlər üçün. • Aqressiv kosmetik proseduralardan (təmizləmə, pilinq, mikrodermabraziya və s.) sonra zədələnmiş dərinin bərpası üçün. • Ətraf mühitin mənfi təsirinin qarşısını almaq üçün. • Dəriyə sağlam parıltını və daha bərabər rəng çalarını qaytarmaq istəyənlər üçün. İstifadəsi Vasitəni pambıq diskinin üzərinə tətbiq edin və, gözətrafı nahiyə istisna olmaqla, qabaqcadan təmizlənmiş üz və boyun dərisini silin. Səhər və/və ya axşam istifadə edin. Qeyd: yalnız zahirdən istifadə etmək üçün. Uşaqlar üçün uyğun deyil. Anamnezinizdə kosmetik vasitələrə qarşı alergiyanız olduğu halda, istifadədən öncə həkimlə məsləhətləşin. Arı məhsullarına alergiyanız varsa, istifadə etməyin.